Këngëtarja shqiptare me famë botërore, Dua Lipa, bëri historinë duke fituar dy çmime “Grammy”, në dy kategoritë e vetme në të cilat ishte e nominuar.

Mbrëmja më e madhe muzikore e vitit i ka dhënë asaj çmimin “Artistja e re më e mirë”, si dhe çmimin “Kënga më e mirë ritmike” për këngën “Electricity”, në bashkëpunim me Silk City, shkruan portali arbresh.info

Atë natë e gjithë salla ishte e mbushur plot, e në mesin e të pranishmëve ka qenë edhe këngëtari shqiptar, Durim Morina i njohur për publikun me nofkën, Mirud.

Ai përmes një postimi në Instagram ka bërë të ditur se ishte pjesë e “Grammy” ndërsa dikush prej ndjekësve e ka pyetur nëse është krenar që Dua ka fituar, ai ka reaguar në këtë mënyrë:

“Normalisht që po, kam bërtit me aq fuqi sa kam pas dhe lot mkan dal prej gzimit për to që fitoj, Dua Lipa”, ka shkruar ai. /arbresh.info/